| wiko | 2015-07-29 18:02 |
|
現時嘅香港經常都民怨沸騰，搞到啲香港人每一日都好躁底咁。中大傳播與民意調查中心就發表咗最新民調結果，而問題就係：「你最想邊個做下一屆特首？」雖然當中有超過七成受訪者心目中都未有下屆特首人選，但係就有近五成七受訪者唔想梁振英連任，當中表示「好唔想」嘅更佔近四成三。 雖然現時係無得揀嘅情況下較多人選擇嘅係財政司司長曾俊華，不過如果有得揀嘅話，大家又會揀邊個呢？據調查發現，如果俾香港人自己揀特首嘅話，娛樂圈都有人選入圍包括劉德華、周潤發同黃子華。前兩者係民間特首、後者係機智又有幽默感嘅公認男神，究竟邊個呢？  劉德華曾喺電影《金雞2》飾演特首嘅劉德華形象健康、勤奮、出名顧家、無咩負面新聞。雨傘運動期間，佢就發文表示：「香港人，都愛香港。爭取訴求，要關心自己、顧及大眾。大家都不要被少數挑釁者影響情緒。不要催淚瓦斯，不要武力，不要謾罵。學生們、示威者們，要擔心自己的安全，要知道有家人在擔心你們的安全。願香港平安。華仔」咁關心香港人，又咁愛港，啱晒做特首啦！  周潤發 叫得做民間特首，親民一向都係佢嘅標誌。佢除咗經常搭小巴去九龍城買餸之外，佢平時都好鍾意好行山，被市民「野生捕獲」唔會擺架子仲會大玩selfie，落區對他來講一啲都無難度。佢亦有係雨傘運動表明立場，直言政府做錯咗：「市民、學生爭取訴求很勇敢，令人感動。警方第一天已經做錯了！為什麼要使用催淚彈？所有學生都很理智，如果政府沒有一個新方案，可以讓香港市民學生滿意，這個抗爭我想不會停。學生叫梁振英下台，其實你叫哪一邊下台都於事無補，最重要還是先拿出解決的辦法。如果政府再用暴力對付學生，會令香港市民非常反感。他們的訴求很清楚，為什麼你（政府）整天叫人「袋住先」（先接受我的方案），你為什麼不可以接納一個方案，政府「袋住先」？」咁錫啲下一代，抵你咁受歡迎！  黃子華黃子華有幾受大家歡迎？你睇佢啲棟篤笑飛被秒殺同無綫要搵佢拍劇救收視就知啦！黃子華憑著佢獨特嘅幽默感，精警嘅金句，以嘻笑怒罵嚟講述香港嘅各種問題。向來關心時事嘅黃子華喺棟篤笑通常都會講【www.canton8.com不良信息过滤】議題，喺棟篤笑《唔黐線唔正常》更加大講佔中及用婆媳關係形容中港矛盾，完全講中晒香港人嘅心聲。 |
|