和平理性表哀思　鍥而不捨討公道

全城悲慟悼亡魂，鮮花素服寄哀思。今日係菲律賓屠殺人質慘劇中八位遇難港人嘅「頭七」，立法會各黨派破天荒聯合發起素衣大遊行，除咗畀市民悼念遇難者，祝福傷者，亦表達對菲律賓無能政府嘅憤慨。 qJ<l$Ig  
各黨派放低唔同政見，一齊上街，一齊致哀，係本港前所未見嘅事，顯示全城無分你我，同仇敵愾，誓要為死傷者討回公道，誓要向菲律賓當局追究到底。 +@H{H2J4  
有人可能會擔心，如果今日好多人參與遊行，會唔會出事㗎？其實，雖然香港有「遊行之都」稱號，但香港人一向明辨是非，理性冷靜，無論幾多人參加遊行，無論情緒幾激動，以前可以和平遊行，今次當然亦唔會例外。話時話，港人只不過係想表達對冷血兇徒嘅憤怒，表達對菲律賓當局嘅不滿，絕對唔會以暴易暴，將喺香港工作及生活嘅菲籍人士當代罪羔羊。 uu"hu||0_  
不過，和平理性唔代表冷漠同忘卻。如果菲律賓政府唔認真徹查事件，搵出真相，作出賠償，查辦失職官員，還死難者一個公道，港人一定鍥而不捨，追究到底！ BjA$ ^i|8  
呢，嗰個皮笑肉不笑嘅三世祖總統應承過，三個禮拜內會提交人質慘劇嘅調查報告，菲律賓司法部同內政部又話成立聯合小組確認涉事者嘅責任。講真，呢個無能政府已經冇晒誠信，港人對佢哋已經冇晒信心，好懷疑菲律賓當局嘅所謂調查會唔會公正無私進行，更加懷疑佢哋日後提交嘅報告可唔可以反映真相。 4i5b.bU$  
香港人有咁嘅懷疑，絕對唔係冇理由。嗱，菲律賓警方咁快就聲稱八名死者都係死於兇手槍下，但奇怪嘅係，其中三名死者遺體運返香港後先至驗屍，菲律賓當局居然可以未驗先知，咁嘅調查結果點令人相信吖？又點令人接受吖？ ledr[)  
講起菲律賓警察，真係廢到冇朋友。事發當日，幾十人圍住架巴士，攞把錘仔敲敲打打，閃閃縮縮，都唔知佢哋想救人定害人。菲律賓警察從此臭名遠揚，有人話菲律賓特警部隊SWAT嘅全寫係Sorry We Aren't Trained，喺香港，「菲律賓警察」已經成為用嚟形容廢柴、無能、退縮、懦弱嘅潮語。 Aa]3jev  
更加匪夷所思嘅係，嗰個菲律賓屠夫遺體運返家鄉後，竟然身穿警服，棺木仲冚上菲律賓國旗，直頭好似國家英雄咁風光大葬，等到中國駐菲律賓大使館提出嚴厲抗議後，菲律賓當局至出手制止。兵賊不分，將殺人狂魔當國家英雄，靠咁嘅政府嚟主持公道，蛇都死啦！ Q1x15pVku/  
港府已經派咗多名警員去菲律賓，以國際警務合作方式展開搜證調查。計功夫茶話齋，菲律賓嗰班特蠢警察都係靠唔住㗎嘞，本港警員過到去要打醒十二分精神 xI/8[JW*  
到實，查個水落石出。天網恢恢，疏而不漏，到時真相大白，睇吓嗰個三世祖總統仲笑唔笑得出！