俗語講得好，“人不大不煩”以前細個時候成日都想快D大個仔，唔駛聽住父母支笛做人，多年過去了呢家卻想行番舊路好想自己變番天真可愛嘅小朋友。 6Xbo:#
SBZqO '}7
今日抽空同老媽子行街同食飯，本來係件開心嘅事但唔知點解我成晚自己個心有點點酸溜溜嘅感覺，媽對眼開始唔好了，睇食品嘅生產日期都要貼住嚟睇，過馬路時候如果畀係以前一定拖實我只手小心咁行過馬路，但呢家老媽子知道我大咗了唔需要拖住我過馬路時候，我係後面睇住老媽子行過馬路心裡面有種講唔出嘅感覺。本來行完街應該番home了，經過間日本料理，老媽子突然同我講想去食下日本嘢(我知道我媽好中意食日本料理因為次次打包番去嘅壽司，媽子都同我清曬距)。點嘅壽司同天婦羅都齊曬了，我見我媽落咗好多青芥辣同醬油落個調味盤度，然後將舊三文魚壽司隊曬落去，我都未嚟得切叫停媽子時候，老媽子D眼淚水涌曬出來，叫咗一聲。壽司掉咗幾粒米出嚟。好大聲講咗句“好辣”。周圍D人都望咗過嚟，老媽子發現之後就講“仔我好失禮你”如果畀著以前靚仔嘅我一定好嬲實覺得我媽會影衰我。但呢刻我只係講“壽司裡面都有青芥辣，慢慢食唔急。我哋畀得錢邊個會笑你失禮？”買單時候120幾蚊，我媽就講，“哇，仔今晚食咗你百幾蚊，你自己仲夠唔夠洗？”“難得請你食飯，冇乜所謂” Fn1|Wt
*
}GRZCX>
番到home阿媽就話今晚好鬼開心，我笑咗笑，放低曬D嘢之後入房聽歌。個腦就開始轉了，當年恨恨抽打我的老頭子&啰嗦惡死的老媽子如今只係得到小小回報就甜到入心。距哋開心可能并唔係因為我已經大個，距哋開心可能覺得自己個仔冇學壞，生生性性咁做人覺得好安慰。我自己都覺得呢家兩老好似變番以前嘅自己一樣，變番個小朋友需要有人去照顧自己，只係呢家照顧距哋嘅唔係自己父母而係自己的兒子，呢個係咪物種嘅循環？曾經的反叛曾經的任意妄為已經不知不覺間消失係童年的時代。 kg1z"
EE
+<7`Gn(n3
再霖深一層，人有開始也有終結嘅果日，當自己變得更加有擔待嘅時候，父母係咪都到咗盡頭嘅果日？而我又點去面對呢D冇辦法去改變嘅事實？我冇繼續思索落去，如果繼續去深究怕扯淚腺就要活動了。 : OQx;>'
iW9G0Ay
祝愿天下的父母都可以健健康康咁生活落去，也勸告各位朋友無論你係出生係富貴家庭或貧窮家庭，哪怕你的父母呢家對你幾咁嚴厲同責罰，甚至用嘅手段幾咁硬，距哋心裡面只係“恨鐵不成鋼”當你長大的時候你會感謝你的父母把你自己教育成才，或許你唔係個好叻好有成就的人，但你永遠都係你父母的心頭肉都係父母的驕傲，你哋係最好的。最重要的就係“孝道”唔可以忘記父母養育之恩，珍惜呢世嘅緣，當失去想去補償的時候可能你就已經冇咗呢個福分，切記各位睇完呢篇文章的朋友。(完)[ 此贴被bennypower在2009-03-14 02:47重新编辑 ]
蓝调粤语 » 恋爱方程式 » 難忘的夜晚~~此世不忘 
