誰不曾有過最愛-------------第六章
----------------------------------------------------------------------------------------------------------------------------------------
每個人都會有佢嘅最愛,幸運嘅佢地仲係你身邊,失敗嘅,佢地已經離開,只係你心底留下咗深深嘅烙印.
後來一段日子裡,我都繼續浮係蒲場,但我唔係嗰D十幾歲對世界充滿好奇嘅細路仔了,嗰時蒲場對我來講,就係一片汪洋,我根本搵唔到方向,可以漂邊,係邊度上岸,我根本就唔知,我只可以靠佢繼續打發我嘅空虚,讓已經墮落咗嘅靈魂,係嗰度等待救贖.好好笑啊,係蒲場等人救?但事實的確如此,而且,有點資歷嘅蒲精可能會理解到哩句話嘅意思.
有一段時間,忽然迷戀翻“拖拉機”哩個遊戲,嗰日見到朋友開緊檯,我竟然想起咗Witch,個心好似乸住乸住咁. 但我都好快上翻手,而且沉迷咗落去.我係一個好容易就迷戀上一個人,一樣嘢,甚至一齣戲,一首歌嘅人.但我都唔知道咁樣到底好唔好.
因爲每晚嘅牌局,我開始遠離蒲場,但并無戒得到酒同煙,我每次打牌都會買支酒,一路飲一路打,牌局散去嘅時候,我亦都開始醉了.幸好我不是酒瘋型,飲醉都唔會多嘢講,只會更沉默.我都唔知命運要將我點樣安排,但我知道,我唔係一個好人,我無資格上天堂.就好似嗰晚嘅牌局咁,我同我嘅對家竟然從未上過檯.但嗰晚我見到我哩生嘅最愛.
佢係朋友嘅朋友嘅女朋友(關係真TM複雜).佢一入來,我就攞到一手好牌,中意玩拖拉機嘅朋友應該知道,打四副牌最重要嘅係乜嘢.當我整理好手上嘅牌,我先抬頭去睇同朋友打緊招呼嘅一對情侣.望住女仔,我竟然呆咗.一見鍾情唔係老作出來噶,你要經歷過,先會知道,確有其事.嗰手好牌就係佢嘅影響下,惨敗.我成副心思都係佢身上了.我同對家講咗聲對唔住,就退下火線.因爲我想偷偷望多佢幾眼,我坐係朋友隔離,依然攞住嗰杯酒,但就好鬼祟咁偷望佢.但佢有男朋友,佢好小鳥伊人咁挨住佢男朋友.嗰晚我請咗大家去唱K.其實就爲咗可以望多佢一陣.以後牌局佢都經常同佢男朋友來,我只可以係一個旁觀者,或者講“意淫狂”.我可以話,係嗰一段時間裡面,我知道我好中意哩個女仔,但我并無要追求佢嘅意思,只要可以成日見到佢,佢幸福就够了.哩D唔係叫偉大,係應該做嘅,愛一個女人,同想搞一個女人嘅分别就係度.我真係覺得,佢同佢男朋友幸福,我都會好開心,但一定要俾我可以見到佢.
吃醋,其實酸嘅唔係你身邊嘅愛人同别人,而係你連酸嘅資格都無先係最可憐的.係啦,係啦,我係嗰個可憐蟲,我係嗰個以爲自己好偉大嘅可憐蟲...咁仲可以點喔....
我地打牌嘅圈子開咗群,方便大家約時間地點,其實就係趁上班嘅時候吹下水,討論下尋晚嘅戰況.有一日,有一個叫Aly嘅女仔加咗入來,我一見到,我就知道係佢了.但我并無同佢多講嘢.日子都係咁過,只係心裡多咗一個會期盼見到嘅人.點知,你期盼見到嗰個人,突然係你身邊消失.你會失落嗎?我聽D朋友講Aly好似同佢男朋友吵架,所以兩個哩排都應該唔會來.嗰時,我捻嘅係,如果佢係我女朋友我一定唔會同佢吵,我就晒佢就係啦.可能就係咁,日後我地兩個嘅關係,我始終占於下風,處於卑微嘅姿態.
嗰晚有一個朋友生日,大家去咗蒲場,久違嘅音樂,氣氛,嗰D環境裡,我就好似一個離開咗家鄉好耐嘅人咁,有種熟悉嘅陌生係心底涌現.嗰晚Aly嘅男朋友都來咗,但我無見到Aly.佢男朋友仲係帶另一個女仔來嘅,我唔知點解好似好唔中意哩個人咁.但其實,我又何嘗無做過佢嘅所爲呢,所以男人永遠無資格去評論另一個男人.嗰晚我玩咗陣就自己去咗第間場,因爲我唔想見到Aly佢男朋友同另一個女人嘅親熱,哩D算係愛屋及烏掛.我係另一間場嘅吧台,飲到好醉.翻到屋企,冷清清嘅一房一廳,我聽住一首《往事只能回味》哩首老歌.竟然係Q群度見到Aly在線,我加咗佢好友.問佢點解無來XX生日嘅,其實我係明知故問.佢話佢唔舒服喔,我卻覺得佢係度維護佢男朋友.佢一陣就落線了.望住佢變灰嘅頭像,聽住《往事只能回味》,我突然有種好渴望新生活嘅感覺.但,我有資格咩….
嗰段時間,我開始好中意上QQ,見到佢頭像係度,就會問候幾句.大家傾得熟D,佢話俾我知佢已經同男朋友分咗手了.我當時就好似一個係海上迷路嘅漂流客咁,突然發現一條船,但心中又有個疑惑好似毛寧唱咁“這一張舊船票,能否登上你的客船”...
我開始好勤力咁係QQ同佢傾計,同佢談亦舒,談張小嫻,談梁詠琪,談一切佢感興趣嘅話題.我甚至連牌局都無興趣去,每日一放工就翻屋企上線等佢.我好似對蒲場外嘅女仔無從落手咁,只可以咁樣僵持住大家嘅關係,無得再邁步,怕嚇親佢,以後再都搵唔到佢咁.有一晚,佢無上線,我等到晚上2點幾,自己隊咗支草,係屋企聽住王菲嘅CD,係度飛.在恍惚中瞓著.發咗個夢,好似係同咗佢一起,又好似後來佢同翻佢男朋友.
第二日,因爲朋友唔够腳,所以我俾人拉咗去牌局,但其實我心仲係好想翻去上Q.打下打下牌,朋友接完個電話,話一陣就可以放你走了.佢話XX同Aly一陣過來頂我個位,可以放生我了.我好奇怪,我問,唔係散咗咩?朋友話無啊,尋晚兩個先鬼咁恩愛咁過來.我當時面色都變埋,借口好唔舒服咁走先.我唔想見到佢地,我甚至覺得Aly欺騙咗我感情,但仔细捻一捻,人地邊有喔,只係我自己一廂情願嘅暗戀.苦果自己先知,一個吃嘅滋味有幾惨.我唔再上Q,亦唔再去牌局,我覺得,蒲場再假,點比得上社會上嘅假,自己再殘忍,都殘忍唔過現實.蒲場裡,我又係一個浪子,某些女人眼中嘅水魚,其實我又够認爲你地先係我床上嘅一條魚啫,大家各取所需啫.我頻頻咁出動去獵取,去被獵取.但我依然覺得空虚,每次飲醉,我心入面就會浮現Aly嘅影子.
但想不到,一次機會就美夢成真.
唔知點解,有一期D蒲友好中意好夜先出動.男嘅可以理解,遲D去,等人地P醉晒D魚,可以執死雞.但女嘅呢?成十一點先係仙蹤林慢慢化妝.我朋友話嗰D咪叫扮有局咯,扮到好似大把局唔識選咁,由得你D男人急下,先顯得自己有身價噶嘛...
嗰晚,我係快12點先出門口,因爲我公司有事.當我準備出門嘅時候,突然見到Aly嘅頭像上線,我又坐翻落來.
“好耐無見喔,今日咁得閒嘅.”
“係你忙啫”
“呵呵,同男朋友點啊,準備結婚未啊?”
“散咗了”
“啊,又散?唔係複合咗咩?”
“無啊,我都好耐無見過佢了,佢都無搵過我.”
“失戀的確幾傷心嘅.”
“我都唔傷心,不過幾悶就真嘅.”
“出来玩咯,我同朋友去XX場玩,一起咯”
“我又唔飲得,我都係中意唱K多D”
“我地都係開房玩,可以唱K噶,你唱K我地飲酒咯.”
“我一個都唔識,咪仲悶”
“唔會啊,XX同XX都去噶,一起啦,咁耐無見.”
“哦,你地幾點去啊?”
“我依家出門口了,你到門口俾電話我啦,我電話xxxxxxxxxxxx”
“哦,好啦,咁一陣見啦.”
我馬上打電話去嗰間場,俾相熟嘅經理,叫佢帮我將卡座換成房.又馬上約頭先講嘅嗰兩個朋友,當時自己都唔知點解要咁做,因爲我心入面始終覺得,好似佢同佢男朋友先係一對,而我唔會有機會.但我又做咁多嘅無謂嘢.人,都係矛盾噶啦.
我到咗大概大半個鐘,佢先俾電話我,我去門口接佢,嗰晚佢嘅衣着我一世都忘記唔到,唔係因爲特别,只係好普通嘅碎花長裙,一件粉色打底衫,一件藍色薄毛衣外套.
我地嘅故事,就係嗰一晚正式開始咗.
飲酒係一件好講狀態嘅事,有時候一個好飲得嘅人,可以幾杯就醉,有時候一個幾杯就醉嘅人,卻可以堅持到散場.
每段愛情都會有一首主題曲?可能係掛,《傾城》係我同佢唱嘅第一隻歌,佢唱到眼紅紅,并且開始同我地P酒,佢好快就不勝酒力咁挨住沙發瞓著咗.我一直無去叫佢,玩到大家朋友都散了,我依然坐係佢隔離.當你可以單獨咁,靜靜咁望住你愛慕嘅人,嗰種感覺,有幾美好,只有體會過的人先會知道.
我點晒王菲嘅歌,係度聽,佢竟然瞓咗來我膊頭,搞到我唔敢郁,怕驚醒佢.連煙都無得吃,就咁僵咗係佢身邊.過咗好耐,但我卻并唔覺得耐,佢醒咗問我
“我瞓咗好耐啊?”
嗰陣我先睇表,竟然已經4點幾了.
“唔係啊,一陣啫.”
“我都話我唔飲得噶啦,好瘀啊.”
“人人都有醉嘅時候啦,下次我醉,你等我咯”
“佢地走晒啦?”
“係啊,個個聽日都要翻工”
“死了,我聽日早班啊.”
“咁我送你翻屋企啦”
“算了,我請假了.”
“咁我請你宵夜啦,你想吃咩啊?”
“我想吃零食咋.”
於是我買咗一大包零食,送佢翻屋企.我見佢行咗入小區,都係唔放心,發多條信息俾佢.
“上到去發條信息俾我,我先走啦”
點知佢好快就復我
“好彩你未走咋,我無家可歸啊”
“啊?點解啊?”
“落來先講”
原來佢屋企人翻咗來,佢怕開門吵醒佢屋企人,所以唔想翻去.我第一反應就係,佢俾緊機會我.我帶咗佢去我屋企.
翻到屋企,D零食都無郁過,我自己都唔知點解就好順利咁同佢入咗房,我有捻過我應唔應該出廳瞓呢?但見佢已經瞓咗上我張床,背住我,我又唔捨得出廳了.
我和衣上埋床,扮瞓覺.心裡面就捻緊點樣同佢開始呢?佢都已經瞓上咗我張床啦,佢唔會對我無意思掛?我不停咁係心度默念“你攬我啦,你攬我啦.”但佢并無反應.等唔到,乾脆自己主動啦,借住翻身嘅動作,我用腳掂住佢隻腳,見佢無避開,我又慢慢咁用隻手抓住佢隻手.佢無抗拒,仲轉埋身過來望住我,咁樣都唔出手,仲等幾時出手啊,我同佢講“我可唔可以抱下你啊?”佢只係“嗯”咗一聲.
我抱住佢,慢慢,慢慢咁將佢攬到好實,我錫咗落佢個嘴度.嗰一吻係我地訂情嘅一吻,我隻手出奇地規矩,直至嗰深深的一吻接觸,先開始有所行動.可能今晚我飲咗好多酒,又可能因爲有愛嘅性係特别高質量,嗰晚嗰一次,搞咗好耐,我地大家都被汗水所掩蓋,係最後嘅衝刺,我竟然陪住佢一起叫咗出來.男人叫床,我頂.不過幾懷念.更令我一世都忘記唔到嘅係,當我地一起到達頂端嘅時候,佢講嗰句
“你搞死我了...”
哩句說話,令我到今日,懷念起來,都有勃起嘅衝動.
第二日,我好早就自己起身,小心翼翼咁走咗出房,去咗市場,買餸.然後翻來洗菜煮飯,係我準備炒菜嘅時候,佢起咗身,入來廚房望住手忙腳亂嘅我.
“你去沖個凉先啦,好快有得吃噶啦”
“你得唔得噶?”
“得唔得?入房再來多次你咪更清楚咯~”
“E.....”
佢好怕羞咁去咗沖凉,我就一邊回味尋晚,一邊樂融融咁煮我嘅愛心大餐.
愛情中嘅人,都係傻噶!但請你一定要保留你嘅傻,保留傻嘅快樂,哪怕嗰段愛情幾短暫,後來令你幾傷心,但起碼回味時,有可以令你覺得甜蜜的傻,才對得起自己嘅付出.
嗰日佢無翻工,我亦都無,我地去咗睇電影,去咗吃雪糕,去咗買零食.我地抱住一大堆嘅零食,整翻嗰日下午吃剩嘅飯餸,我地開咗一支紅酒,我地又係床上尋找我地嘅快樂.甚至佢仲用口帮我做一次,哩次係唯一嘅一次.
我同佢好正式咁開始拍拖,我好遷就佢,咩都以佢爲主,雖然我知道咁樣落去,我會寵壞佢,會爲大家以後嘅位置同生活鋪下一條令自己好難行嘅路,但我卻無後悔過,大道理我懂,但面對時,又有邊個可以正確咁實踐?每日我都準時咁接送佢上落班,每天都會買佢晚上中意吃嘅零食,佢如果要翻屋企陪屋企人,我會乖乖咁留係屋企,等佢查崗.放假,我會買本書陪佢去仙蹤林,佢同佢嘅姊妹傾八卦嘢,我自己坐係其他檯睇書,一有新戲上畫,我就會去買定飛,堅持每個星期煮一到三次住家飯,煲一次靚湯.哩D都好似係我應份嘅事咁,我從來沒有怨言.佢有時會同我一起出去蒲下,佢話唔想我咁悶,我都會陪佢去唱K,如果無人一起,我地都會開一間細房,佢係度唱,我係度聽.如果,日子永遠係咁,你話幾好呢.
我買咗我人生嘅第一臺車,朋友都話我要請吃飯去蒲直落~佢好似對我買車并唔太在意咁.平時我俾錢佢洗,佢都話自己份糧够用,我俾佢嘅錢佢都存咗起身,我會經常買新款嘅手機,但佢成日鬧我,因爲我一買就會買埋佢嗰部.佢成日都好反感我大手大腳,而且開始慢慢管制我,我覺得哩D係對我好.所以都係就佢,每次睇到中意嘅新手機或者遊戲機,都會哀佢好耐,佢先俾我去買.
嗰一晚係一個朋友生日,我地去咗蒲.點知臨走前,佢EX來咗.佢好似好唔自在咁行開,避住嗰個男仔,我見到嗰個男仔好似好仇恨咁望住佢,但一見到我,又好似好尴尬嘅表情,對我苦笑咗一下.大家都相識一場,我又唔想去計較過去嘅事,於是係佢提出要走嘅時候,我都陪佢一起離開.
但係當我開車翻屋企嘅路上,佢話想翻自己屋企喔.嗰時,換咗係别人,我捻想法都係應該同我一樣.會唔會因爲見到佢EX呢?當時我覺得,既然我係認真咁愛哩個人,大家都應該坦誠,我好直接咁將我心底嘅捻法講咗出來
“係唔係因爲見到XX所以你唔開心,想翻屋企啊?”
“唔係啊,我只係想翻屋企啫,你捻咁多做咩啊,你唔好問我啦,送我翻去啦”
我見佢有D火氣,於是一路上都無講嘢,送到佢樓下,見佢入小區.但我係樓下等咗半個鐘頭佢都無發翻信息俾我,平時送佢翻來,佢一上到樓就會俾信息我,我先會離開,哩個已經係我地大家嘅習慣了.
我發咗條信息“你到未啊,點解咁耐都唔俾信息我啊?”
佢只係復咗我兩個字“到了”
我一個翻到屋企,坐係電腦面前,發覺佢今日出門嘅時候,QQ無關到.我就去睇咗佢嘅聊天記錄.自從Rita以後,我對身邊嘅女人都會有不信任嘅心態.我係佢嘅QQ聊天記錄中,見到佢同佢姊妹嘅一段對話,令我覺得,真係好傷心.
----------------------------------------------------------------------------------------------------------------------
編者留言:
我捻今晚同聽日都唔會更新住了…
好7委屈啊...俾人鬧到A咁.連現實嘅朋友都問我是否真係咁賤.
我真係要考慮下,將個主角寫到三貞九烈,忠貞不渝咁?
不愛你係最心痛?唔係,唔係最爱你會更痛.得唔到佢,好失望?唔係,得到佢卻得不到佢嘅心,仲失望.
我望住嗰段聊天記錄,捻唔到,我竟然仲有淚水.
“你同咗佢一起啊?”
“係啊”
“玩玩下定真感情先?”
“暫時咪玩玩下咯.當係有个伴無咁悶咯.”
“佢對你都好似幾好啊”
“唔知呢,可能唔係好有feel掛.”
邊個真心付出嘅時候睇到對方咁樣會唔覺心痛?除非,佢唔係真心.我已經唔係嗰個會失戀要聽情歌嘅小男孩了,我都傷害過人,都知道,有你傷人嘅時候,必有你被人傷嘅時候,哩D係天理,無人可以逃避.但嗰刻我只係自己痛,我并無去怪佢,我甚至覺得,係自己做得唔够好.或許因爲我真係好愛佢掛.
第二日,我照常去接佢翻工,放工,我地之間好似無發生過任何不快咁,嗰段記錄我亦埋在咗心裡.漣漪係散去後無痕跡,但投入湖中嘅石子只係沉咗落去,佢依然係湖底.
係一段時間以後,佢竟然帶我翻去見佢嘅屋企人,佢同我講過,佢從未帶過男朋友見屋企人,因爲佢要覺得真係會同哩個人有將來,先會俾屋企人知道.我當然好開心啦,因爲我的確係好想有將來.佢父母對我無咩太大嘅意見,話只要佢自己覺得合適就好.同佢父母嘅傾談當中,聽到佢父母對佢嘅評價,我都相當認同.
“佢係一個好自我嘅女仔,性格比男仔仲要強.”
自我,要強,的確如此.
我陪佢去行街買衫,一起入咗一間佢比較中意嘅店度,佢攞起其中一件對住塊鏡照,我自然好討好咁講,幾好啊,買啦.跟住個女店員係佢隔離都講,係啊,幾襯你啊,我地哩排都係新貨來噶,你可以繼續再選選噶.跟住佢就好躁咁放低件衫同個店員講唔使了,唔該.然後嬲爆爆咁行咗出去門口.我都唔知佢發咩脾氣.我一路跟住佢,佢話,你可唔可以同我行街買嘢唔好出聲呢,我有我自己嘅打算,你一講,搞到個店員來埋,我最憎選嘢嘅時候人地係隔離噶啦.
因爲PSP日本前一日發售,我拜托嘅朋友買唔到,但第二日,有朋友同我講佢隔離有得賣,不過價錢比較貴,要四千幾.嗰部嘢我等咗好耐好耐,咁我就哀佢俾我買啦,佢話如果真係咁中意你咪買咯,但當我買咗翻來,佢竟然發晒脾氣,佢話你明知道我唔中意你亂洗錢係哩D地方你都要買?我話你同意咗噶喔,佢話,咁就唔可以就下我,忍一下唔買住嘅咩,到時我俾你買嘅時候自然會陪你去買噶啦.
當然,哩D都係小插曲.但越來越多嘅小插曲,導致我覺得真係好壓抑,好似活係佢嘅陰影同高壓之下.所以話愛,唔係萬能噶,當愛扭曲到你無法去接受嘅時候,就會有一個爆發點.嗰晚,我爆發咗了.
-----------------------------------------------------------------------------------------------------------------------
編者留言:
其實我想講,咩係好男人?咩係壞男人?定義係邊度呢?做錯過會改正嘅又應該歸邊類?一直都好嘅,突然壞一次,又算邊類?人生,處處係誘惑,你可以堅持得幾多?賤人就唔會俾人傷害嗎?當你老時,回首一生,你所做過,你所經歷過嘅,回憶只係一瞬,當你閉眼去咗,死人還可以同邊個計較?邊個又會去同死人計較?任何好人,壞人,都係當時嘅時勢,環境,同經歷所造就嘅,如果劉華有冠希嘅經歷,可能艷照門,我地就唔止嗰400幾張了.
-----------------------------------------------------------------------------------------------------------------------
嗰日,可能我真係壓抑咗好耐.我終於萌發咗離開佢嘅念頭.
上午我一個朋友從外地來,我當然要接待一下,中午同佢一起陪我朋友吃飯.朋友見到佢,仲贊佢好斯文,好靚女.但點菜嘅時候,就出事了.佢唔吃芫荽,哩個習慣我知道,所以同佢一起吃飯,我都會好記得避開哩樣嘢.但嗰日係朋友點菜,朋友話哩排熱氣,不如要個芫荽豆腐魚頭湯啦,當時其實我有捻過佢係唔吃芫荽,但心捻朋友好耐先見一次,礼貌上應該係就個客人,於是我就講咗句“好啊,無所謂,你中意就得了.”當佢一聽我講完,就面色都黑晒,然后講自己唔舒服想翻去先,跟手就起身走咗出去.我朋友仲一頭霧水,我更係估唔到佢可以咁大脾氣,於是馬上就追出去.
“你明知我唔吃芫荽,你唔可以同你朋友講聲換第隻湯嘅咩?”
“咁人地點菜,礼貌來噶嘛,你可以唔飲,或者我再帮你點第個湯嘅啫.”
“得了,我依家咩胃口都無了,你陪你朋友吃啦,我去行下街,你記得下午要車我爸爸媽媽翻公公度啊.”
“一個湯啫,使唔使啊?”
“都話我想去行街咯,你唔好搵交吵好唔好?”
我望住佢嘅背影,當時明白,原來委屈嘅味道係酸噶,從個心酸到上個鼻噶.但因爲有朋友係度,我唯有整理下心情,扮到若無其事咁翻去同朋友吃飯.朋友可能睇出咗D嘢.無追問咩事,但嗰餐饭,始終都有少少尴尬嘅成分.
我一吃完飯就俾電話佢,去接咗佢,然後再去車埋佢爸爸媽媽翻佢公公度過節,係去佢公公屋企嘅路上,公司個阿頭打電話過來,同我傾D公事.其實都唔係好耐,因爲佢爸爸媽媽屋企本身就離佢公公家大約20分鐘車程.係快到佢公公屋企時候已經收咗線,我都有同佢父母講唔好意思啊,講咗咁耐電話.但落車嘅時候佢就發作了.
“你識唔識尊重人噶,你車住我爸爸媽媽噶,你都可以講咁耐電話”
“咁人地打過來,我無理由cut佢線噶,我都唔知佢咁長氣噶”
“你真係好過分啊,你自己反省下啦,唔使你來接我地翻去了.”
跟住佢就落咗車,佢父母仲係後面.佢爸爸安慰我話,“無事噶,我地都唔介意,做嘢緊要啊嘛,佢細路女脾氣啫,你都快D翻去同屋企人過節啦,唔好捻咁多啊,專心揸車啊.”
我捻如果無佢爸爸嘅關心,我嘅眼淚都唔會咁唔爭氣,我點點頭,擦咗快要流出來嘅眼淚,同佢父母講再見.
嗰日我無翻到屋企過節,而係一個人去咗二沙島.我一個人係星海音樂廳門口坐咗好耐,我萌生咗要同佢分手嘅念頭.但又深知自己好愛佢,我覺得大家過咗啖氣,就會無事.嗰晚佢一直都無俾過電話我,我俾電話佢,佢都無聽.我同咗一起出來慶祝節日嘅朋友去咗蒲.於是...
今晚個夜場好多人,因爲節日掛.但對我來講,好似好沉悶.寂寞係因爲少咗一個人.我成晚都悶悶不樂,不在狀態.朋友知道我可能又同Aly吵架,都無問我佢點解唔來,而係勸我,難得自由身,玩得開心D啦.飲大幾杯,我問我D朋友,係咪平時我同Aly一起出來玩,你地覺得我唔嘅心咩,其中一個拉低我同我講,開唔開心,係得你自己先知道,開心固然好啦,唔開心但覺得值嘅,又有咩所謂喔.如果真係唔開心嘅,咪講出来咯,發泄下,個人無咁壓抑,會舒服好多噶.於是,我就將平時積積埋埋嘅怨气,委屈,同不忿,好似倒水咁倒晒出來,朋友話,我都係嗰句,你自己覺得值唔值,先係最重要噶.
我都唔知啊,到底值唔值啊,愛情真係唯一咩?尊嚴同愛情相對嘅時候,應該點樣去選擇啊.兩個人嘅世界,如果相愛,點解仲要衍生咁多嘅問題.
嗰晚我無翻到屋企,因爲我醉咗係路邊.第二日起身嘅時候,先發覺自己係佢屋企樓下.我打電話俾佢,佢無聽,我打咗好多次,都依然無聽.係嗰時,我唯有發咗條信息俾佢“我地分開下啦,我好攰啊!”
我翻咗屋企,我瞓著咗,瞓得好甜,好耐都無瞓得咁舒服.但當我瞓到晚黑醒嘅時候,發覺Aly打咗33個電話俾我,但短信只有一條.
“我瞓咗無聽你電話啫,咁都可以話要分手,你真係咁愛我咩?”
我好想復佢“我真係好愛你,但我好累.”但我無復到.到咗第二日下午,我又收到佢信息“得了,我明了,我地分手啦.”
望住嗰條信息,我順手就將臺電話從窗口飛咗出去.
我換埋新號碼,我搬咗新屋,我重新投入到蒲場,但好似我已經唔再適合哩個蒲場咁,以前嘅口花花,以前嘅死劈爛劈,以前嘅抄牌勇氣.好似都一一離我而去,我依家只係蒲場入面一個扮苦悶嘅老人家.每晚一個人來,一個人去,無咗佢嘅新屋,我瞓唔著,經常係路邊停低車來瞓.無咗佢嘅日子,好似咩都係灰色,做咩事都提不起興致.
嗰晚,我有隊草爆咗,我自己望住鏡入面嘅自己,不停咁係度變臉,又笑,又喊.第二日,醒咗,我個頭好痛,開始發燒,我自己去藥房買咗藥,然後買咗一大支水,放係床邊,我係張床度,過咗兩日.
兩日后,我病好咗,人開始有精神,我同自己講,如果再忘記唔到佢,我只有死路一條,我要搵一段新嘅感情,我要忘記佢.
係你寂寞嘅時候,你會好容易將***錯認爲愛情.係你想用一段感情忘記另一段感情嘅時候,你係一個撲街!因爲你會害到無辜嘅人,亦會害埋自己.
我去飛咗個髪,换咗個新形象,我走咗去一個BBS,扮演一個二世祖嘅角色,有時候,會扮演一個怨婦,有時,扮下老男人,或者D單純妹妹仔.
睇住BBS上面嘅笑罵,我自己都會係屏幕嘅後面暗爽.網絡真係好,哪怕你係一個撲街,都可以成爲王子.人有寄托嘅時候,其他嘢都會淡忘得好快,嗰種其實唔算係淡忘,因爲真正嘅刻骨銘心邊有可能忘記.但點都好,起碼係嗰個BBS上面,我可以令自己暫時歡笑.
演技再好嘅演員,佢始終係扮嘅,總會留下破綻.有一晚,突然有人加我嘅QQ,而且係個男人.我當時都幾好奇,因爲佢發過來嘅申請内容就係我係BBS上面嘅嗰幾個ID.我仲以爲邊個黑客咁無聊添,點知加咗佢,先知道佢係BBS上面嘅一個女仔,佢竟然靠打字嘅習慣,語氣,到簽名檔嘅感覺上發現咗我係同一個人,用佢嘅說話,佢想見識下“人格分裂癥”嘅病人係點樣嘅.佢個名都好男性化,叫Kerry.一個女仔用男人QQ,用男性化嘅名,而且心思細密,真係幾令我對佢好奇.後來見到佢嘅照片,我更對佢感興趣.
男人可以將性同愛,分開來講,更可以用愛來做得到性嘅理由,當然女人可以用性去换取嘅嘢,更加多.
我第一次將Kerry勾搭咗翻來我屋企,但唔知點解,做完以後竟然有種雞肋嘅感覺.而且第二日早上,我甚至對佢有少少不滿,因爲佢係走嘅時候竟然問我要錢打車,話尋晚唔記得帶荷包.我竟然覺得自己好似有召妓嘅成分咁,但又覺得依家去荷包攞錢俾佢,好似好尷尬咁.於是我藉口要冲凉,叫佢自己去我荷包攞啦.係嗰個時候,我對召妓係存在一定嘅鄙視心理,因爲我覺得,自己又唔係差,想搵條女唔難掛,唔使搞到要攞錢去買咁失敗掛?所以,我覺得嗰陣,我都未算得係一個麻甩佬.
到咗晚黑,Kerry又發信息問我係邊,我話係出面蒲緊.佢話想今晚來我度,我話你咪來咯,咁我依家翻去等你咯.佢話太夜無晒公車了,都係聽晚先啦.我心捻,你玩咩,吊我癮啊?我話,咁你可以打車噶嘛~佢話打車好貴,唔係佢哩D上班一族可以負荷噶.我話,我報銷咯,以後如果你來我度,打車嘅錢我報銷咯.佢話,咁我换衫啦,你係屋企等我啦.哩個時候,我竟然捻起咗Moon,一個俾钱佢打車都唔捨得嘅好女人,唔知佢依家點呢,我捻佢老公一定好幸福.但係唔啱,就係唔啱,錯過更係活該嘅.我同Kerry一直都保持住哩種關係,但對佢,我好難講出感覺,可能第一次嘅唔係咁吸引,而且問我攞的士費嘅事更令我有不快.不過,我真係好想屋企有個人陪我瞓,我唔想成日停車瞓係馬路邊.哪怕唔想同佢搞嘢,都想佢過來我度.有時,佢會用D比較有技巧嘅手法,問要幾百,一千,但從來都唔多.咁比起蒲場上,一晚一個名牌袋嘅姑娘,佢又唔算大貪.
日子過得好快,當我以爲我忘記咗Aly嘅時候,點知,我依然記得佢嘅生日,佢生日嘅嗰個上午,我想發條信息,但捻咗好耐,都覺得唔係好妥當,唔捻嘅時候無咩事,但一出現咗係腦海,就好似病毒擴散咁.成日,成個腦,都係佢.到咗晚黑,快到12點嘅時候,我已經醉咗係某夜場嘅卡座上面,我睇住手機上面嘅時間,11:55,11:56….我衝咗出去門口,忍唔住打通佢電話.佢可能見到係陌生電話掛,無接到,我又繼續打,當電話入面響起佢問“喂,你係?”我竟然有種恍如隔世嘅感覺.
“生日快樂,i love you”
佢無出聲,然後cut斷咗個電話.我覺得有少少失落,但個人舒服晒,好似做完一樣好耐都未完成到嘅事咁,行去自己臺車,我捻,今晚我唔會想見到Kerry.一上車就接到佢信息.
“點解仲要來騷擾我,我已經好努力咁去忘記你了,點解你仲要打電話來.”
當時我腦入面聯想到嘅係,佢係電話嘅嗰面,喊得好傷心.我觉得,好唔容易先帮自己武裝好嘅防禦,好似一下子就崩潰咗咁.我甚至連打字都有D手震.
“sorry,我都唔知點解,我以爲我已經忘記咗你,但我做唔到,係我無用”
“既然係咁,你當初點解又要分手,你傷完我,又來講哩D,你唔覺得你好过分咩.”
“我錯了,我真係知道錯了,你係邊,我去陪你過生日.”
係我發短信嘅時候,我地嘅以前,係我腦海中迴蕩,好似佢嘅脾氣,任性,佢嘅無理取鬧,等等一切一切,都唔重要了,都唔再係問題了,我只知道,我依家要見佢,我要話俾佢知道,我好愛佢.
佢覆過來.....
“相見不如不見”
“我要見你,我求下你啦,我真係知錯了,哪怕只俾我睇一眼.”
“我係第一次同你飲醉嗰度,都係嗰間房”
難怪,佢會咁感觸啦,嗰陣我覺得,哩次,我唔可以放手噶,佢係我生命中係最重要噶.我飛車去解放路,買咗好大一紮玫瑰,大到我放唔到入車,要放係車尾箱,打開個尾箱蓋.我以前一直覺得夜場攞住一紮花嘅情侣好傻,晒都唔係來蒲場晒啦,咁異相.但嗰晚,我都係一個異相男,一個爲愛而異相嘅男人.我抱住嗰紮好大嘅花,好彩同個場嘅經理比較熟,佢見我攞得咁辛苦,就叫D保安帮我係前面開一開路,等我唔使逼得咁麻煩.當我入到間房,D人可能都未見到我,因爲紮花遮住咗,但就好羡慕咁哇~~~我係花後面探出個頭,先見到佢,坐係角位,流緊眼淚.我遞咗紮花俾佢,佢都唔够力接,然後放咗係沙發上,佢同我講咗句多謝,依家你見到我了,你滿意啦,可以走了
如果你中咗【www.canton8.com不良信息过滤】頭獎,但當你領獎嘅時候先發覺原來已經過期,嗰種感覺就同我依家嘅感覺一樣.我行左出去,我係吧台買咗支Tequila,見到佢同佢D朋友走嘅時候,我依然係留咗係嗰度飲.當我第二日醒嘅時候,竟然係一個陌生嘅環境,原來我尋晚醉到無晒知覺,夜店嘅經理打電話俾我朋友來接我走.一個來咗,發覺搞我唔掂,後來竟然來咗四五個人先將我抬咗上朋友屋企.我覺得唔好意思,自己嘅事,搞到D朋友三更半夜出來,雖然佢地都係夜鬼,可能係第間場蒲緊,但始終麻煩到人地,都係唔好嘅.於是我俾埋電話其他幾個朋友,約佢地下午一起吃飯,當係我多謝佢地尋晚嘅“見義勇爲”.從我起身開始,我就一直留意個電話,我好希望佢會搵我.到咗吃飯嘅時候,大家聚齊晒,佢地笑我尋晚嘅失態,我自己都覺得好醜.但其中一個朋友話,佢見到Aly係門口喔,見我地走佢先上的士噶.當時我個心震咗震.係哩個時候電話又開始震喔,我以爲係Aly...
我一見到係Kerry,好似無晒心情咁,順cut咗佢.點知佢又打過來.
“做咩啊?我做緊嘢啊”
“哦,無啊,掛住你俾個電話你啫嘛,你好忙啊?”
“係啊,成堆嘢要搞啊,得閒俾電話你啦”
“哦,好啦,你得閒順手帮我埋我張檯嘅單啦”
“你講咩啊?”
“我係你頭頂啊,大話精!”
我望上去,先發覺原來Kerry都係哩間嘢吃飯,只係我入來嘅時候無望去二樓.我好無奈咁笑一笑.
“同D朋友吃飯啫,帮你埋單就係啦”
“嗯,咁今晚去唔去你度啊?”
“你中意啦,夜D我翻到去,俾電話你咯.”
我上去帮Kerry埋咗佢同佢朋友張單.然後坐翻去同我朋友吃飯.世界真係細,男人嘅大話真係容易拆穿.
晚上,我見有時間,順便去車埋Kerry翻我屋企.佢去沖凉嘅時候,我上咗陣網,突然見到Aly加翻我QQ嘅信息.我通過咗之後,發覺佢在線.
“我尋晚好失態啊?”
“唔係,紮花好靚,但我無攞到.”
“無所謂啦,只要你中意,我再買過俾你就係啦”
“我地仲有可能咩?”
“我仲愛你,如果你都仲愛我,點解會無可能呢?”
“咁下次當你又覺得累,又覺得有壓力,咁又分開,然後等你飲夠酒了,就翻來複合啊?”
“唔會,絕對唔會,我唔會再俾你離開我噶啦”
“口講無憑噶,等你真係捻清楚先啦.”
“我捻得好清楚了,求下你啦,當俾大家一個機會啦.”
“我嘅傷仲未好翻,你等我捻下先啦.唔好逼我,好唔好?”
“得,只要你肯考慮,你想點都得.”
“我瞓了,聽日翻早班”
“哦,咁你早D休息啦,我聽日送你翻工啦”
“都話唔好逼我咯,我自己翻得了”
“哦...咁我孤獨咁係屋企掛住你啦”
佢落咗線.我覺得我好需要酒精,好需要一支草,因爲我依家好興奮,又好亂.
Kerry沖完凉出來嘅時候,我已經係度飛緊,但當時好似出奇地理智,我同佢講,我有D事好煩,想一個靜下,不如你翻屋企先啦.佢話咁夜了,最多唔出來吵我,佢自己瞓就係啦.我話你中意啦.我嗰晚瞓著咗係廳,但半夜卻俾人搞醒咗...
半夜,我竟然high到醒咗,原來Kerry走咗出來,搞我下面.睇住佢好賣力咁帮我吹,我竟然唔知道應該點去拒絕.嗰次,係我人生嘅第一次口爆.佢并無吐翻D嘢出來,我覺得有少少嘔心.
“D嘢呢?”
“吞咗咯.”
“唔係掛,咩味噶?”
“腥腥地咁咯.”
咩叫哭笑不得,哩D咪哭笑不得咯.我最後都係同咗佢入房間瞓.我好想同佢講話我以前女朋友可能會同我複合,但又覺得人地啱啱俾你爽完,你就飛人地,好似不是那麼厚道掛?嗰後半晚,我都無點瞓,一邊係捻緊點樣氹翻Aly,一邊係捻緊,應該點樣同Kerry開口.
男人,係兩個女人俾你去選擇嘅時候,你當然係想全選啦,但你明知無可能嘅時候,其實你心入面已經有咗選擇噶啦,只係你唔捨得啫.
我對Kerry又無話唔捨得,只係唔知點樣去開口好,話晒佢對我來講,可有可無.
後來嗰幾日,我都好刻意咁去避下Kerry,一放工就衝翻屋企等Aly上線,就好似當初迷戀上佢嘅時候咁,日日都係期盼.
爲咗可以見佢一眼,佢公司放飯嘅時候,我會買佢中意吃嘅壽司打包去公司樓下等佢.我會係佢屋企樓下搵個角位等佢,睇到佢入咗花園我先趕翻屋企陪佢上網.人,始終都會感動噶,更何況係一個對你有愛意嘅人.佢終於肯同我出來吃飯,睇戲,但堅持唔上我屋企,或者講佢唔想咁快又同我發生翻關係掛,但有咩所謂呢,只要佢肯俾機會我就得啦.
Kerry好似已經知道我要同佢攤牌咁,嗰日佢俾電話我.
“我知道可能你有咗第個噶啦,不過放心啦,我識做嘅.”
“sorry啊,我可能傷害咗你.”
“傻啦,大家都成年人.無事嘅”
“咁就最好啦,我地仲係朋友,你有咩需要我帮忙,可以搵我”
“聽日得唔得閒啊,陪我行下街啦,當係最後一次分手前嘅回憶啦”
“嗯,你聽日俾電話我啦.”
一個人做錯事,總要付出代價.我第二日,陪咗Kerry行街,佢睇中咗一條項鏈.睇中咗一部電話.我都買咗俾佢.當補償又好,當分手費又好,我只希望可以Aly可以快D翻來我身邊,我地過翻自己嘅二人世界.有時候,你捻就得噶啦!第二日,Aly朋友結婚請飲,我地去完,佢竟然提出上我屋企.我當時真係心入面講“多謝你啊主,賜翻我最愛嘅女人俾我!”我一早已經將屋企Kerry留低嘅少少手尾收拾得一干二凈.哩點我可以話俾各位男士知道,女人,可以唔計較你嘅過去,但一定計較過去留低嘅遺物,所以唔好有咩不捨,能毀滅的就毀滅,不能毀滅嘅,都要去毀滅.
但係,男人都係唔够細心噶啦....終於出事了!
-----------------------------------------------------------------------------------------------------------------------
讀者留言:
我們無心傷害别人,就算是有心傷害,都會爲自己去找一個冠冕堂皇的藉口,但當别人傷害了自己的時候,無論是有心還是無意,我們都認定他是有心的.
看了最近幾段文字,忽然發覺感情上的無間道,來得比電影的精彩.有心算無心,還是無心度有心?
正如有時候你說“我操”的時候,只是過過口瘾而已,真到對方肯俾你操的時候,可能你自己就傻B了~~更多的時候是,你真的想操的時候,卻無處能操,無人可操,這就是麻甩佬的悲哀……
操是一種境界,麻甩佬是操出來的產物,樓主是個中的極品.
-----------------------------------------------------------------------------------------------------------------------
我竟然忘記清理尋日著過嗰條牛仔褲嘅袋!係Aly同我纏綿完之後,佢帮我攞晒D衫褲去洗衣機,點知俾佢係我褲袋搵到兩張銀聯嘅小票,同一張項鏈嘅單據.手機嘅單據當然俾咗Kerry啦,佢要用來保修噶嘛.
所以話女人嘅問話技巧可以同審問員媲美.佢地可以係好不經意嘅時候,問你一D九唔搭八嘅事情,來套佢地想知道嘅嘢,所以係哩種情況下,身有屎嘅男人們,一定要小心啊!
Aly入翻房帮我執屋,一邊執一邊問我.
“你尋日無翻工咩?點解爸爸媽媽話係中華廣場見到你嘅?”
我當時心捻,我同Kerry明明係北京路,點會係中華廣場見到我呢,但畢竟作賊心虛.
“無可能噶,我成日都係公司,一落班就翻來陪你上網了,可能佢地認錯人掛”
“啊?佢地仲特登打電話過來問我喔,嗰陣大概3點幾鐘啦”
“邊有可能啊,3點幾公司開緊會啊,我忙到A咁.”
“哦,係咩,咁你同我解釋下哩兩張三點幾嘅小票同哩條項鏈嘅單據係咩意思?”
我當時啞晒口….
“攞你電話俾我” 我唯有老實咁遞俾佢,佢查咗一陣.
“上你QQ俾我” 我邊有得反抗,哩D窮追猛打,只好上QQ俾距.
佢查完QQ,然後同我講.
“我俾機會你坦白,但如果我聽到一句我認爲係假嘅說話,咁你以後都唔會再見到我.”
我只好一五一十咁交代晒我同Kerry嘅開始到結束.當然會隱瞞一D譬如ML嘅次數,同我俾過幾多錢佢,哩D無依據可查嘅嘢.但我強調當我一記起佢生日就同哩個女人決裂了,而且避哩個女人了.
佢一路聽,一路喊.
“你講到你咁愛我,但一分手就可以搵第個?”
“你好假啊,真係好可怕啊,我點會同一個咁可怕嘅人一起噶”
“你好污糟啊,你唔好再掂我啊”
“你點解要翻來再傷我一次啊,你係唔係一定要我死你先開心啊”
佢一路喊,一路鬧,仲打咗我幾下,我只可以不停咁道歉,不停咁認錯,不停咁求佢原諒.直到天光了,佢都累了,我更係體力不支添.佢話
“你想我原諒你都得,你問個女人攞翻嗰條項鏈同部手機”
“但係已經送咗俾人地了,點開口啊,算啦不如”
“咁你唔攞,我走咯”
“多一事不如少一事啦,都已經成爲過去嘅嘢,你咁執著做咩啫,我地重新好好開始啦”
“你唔攞翻嗰兩樣嘢,我心入面始終有條刺,點樣好好開始啊”
“難道攞翻就可以無咗條刺了咩?我應承你,我唔會有下次,我唔會再呃你,我會對你好好,我會好好咁愛你,慢慢咁去拔你心入面嘅刺,好唔好?”
“唔得,你講,你打定唔打?你唔打我打” 佢攞起我部電話,咁我可以點,我只能够投降.
因爲佢先係我嘅最愛,我唔可以再失去佢,爲咗佢,我一定要硬住頭皮都要打哩個電話.
“我打,我打,得未?”
當電話撥通,我都未捻到應該點樣開口,哩個時候,電話嗰邊傳來咗……
電話嗰邊,傳來咗一段令我放低心頭大石嘅錄音“您撥的用戶已關機,請稍後再撥.”
Aly都可能覺得好累.佢話佢想瞓陣.但堅持趕咗我出廳.佢話我未攞翻D嘢以前,唔想見到我.下午佢起身走咗,其實我已經醒咗,但我繼續扮瞓.因爲唔知應該點去面對.到咗晚上,佢發咗個信息俾我.“你問咗未?”我答覆佢 “佢好似未開機啊”.“開咗了,我啱啱打過.” “哦,咁我打過去啦.” 一個女人執著起身,佢係可以逼到你咁噶.
“喂,Kerry啊?”
“點啊,唔係同翻你舊愛咩?又掛住我啊?”
“唔係,係有D事想同你商量,但又唔知點開口.”
“啊?你有咗啊?要我負責?”
“唔好玩啦,我依家無心情講笑啊.”
我又一五一十咁,將件事講翻俾Kerry聽.希望佢可以體諒我,帮我一個忙.當時我真係覺得好尷尬,但無辦法啦,爲咗Aly.
“其實XX生,你覺唔覺得你好過分呢?我已經好大方咁退出咗你地複雜嘅關係啦,你依家來問我攞翻送俾我嘅禮物,你覺唔覺得有D可笑呢?”
“我都知咁做係好無道理,但爲咗佢,我實在無辦法.或者我用錢同你買翻啦,你自己再去買過啦,話晒相識一場,你當帮下我,好無?當我欠你一個人情啦.”
“你嘅人情有幾值錢啊?你女朋友可以咁無理取鬧,你都可以陪佢癲嘅?又唔見你對我咁好?我真係覺得好唔平衡咯,對唔住,你嘅要求我帮你唔到,你自己捻辦法面對你女朋友啦.”
然後Kerry cut咗我電話.夾係兩個女人中間,嗰種滋味真係好難受.但自己種嘅因,當然係自己吃苦果啦.同Aly講,Kerry唔肯俾翻我,不如件事就咁算啦.Aly話,我都係嗰句,你一日攞唔翻D嘢,一日都唔使指意我會同翻你!如果你俾我發現你自己去買哩兩樣嘢,我捻你下場會死得更惨.
我應該點算.當時真係覺得連抬頭都唔够力…路係自己行出來,但點會完全無法掌握噶.
接落來兩日,Aly都無搵我,我搵親佢,佢都唔聽我電話,只係覆一句信息過來“你攞翻D嘢未?”其實我根本就無搵過Kerry,我知道可能我同佢分手并唔係對佢有幾大嘅影響,但我後來所做嘅,先係真正咁傷害咗佢.但嗰晚Kerry竟然打電話來俾我,我仲以爲佢啖氣過咗,嗰件事有商既餘地添.
“喂,XX生,我想問下xxxxxxxxxxx哩個電話係唔係你女朋友噶?”
“係啊,發生咩事啊?”
“請你叫佢唔好咁無聊好唔好,三更半夜打電話過來騷擾我,又發埋D咁無聊嘅信息,我已經同你地兩位無任何瓜葛啊,同佢更談不上有咩交集,請你管好你自己女朋友,如果佢再係咁,唔好怪我對佢唔客氣!”
“我代佢講聲對唔住先.我會同佢溝通噶啦,但其實佢都係細路女,鉆牛角尖啫,其實你有無考慮過不如俾翻嗰兩樣嘢我呢,我可以用高價同你收翻噶.”
“佢係點樣嘅人我唔想知道,但如果佢依然係咁,我会代你教訓佢,到時你唔好心痛就得了,依家出去搵幾個人教訓下D靚妹仔,唔係好難噶咋.至於你講嘅高價,可以幾高?我要雙倍價錢,我馬上物歸原主!”
“如果佢出D咩事,Kerry,我可以話俾你知,你一定唔會有好日子過,我都唔係咩善男信女,你够膽搞佢嘅,不妨試下,但你講嘅兩倍條件,我接受,大家睇下幾時得閒,我俾電話你!錢我一分都唔會少你,希望你記得我嘅警告!”
“好啊,咁我等你電話啦.”
我馬上打電話去俾Aly,佢依然唔聽.我發條信息,有好重要嘅事情同佢商量.佢先打翻過來.
“點,我趕住出街,你有咩快講”
“你打電話過去騷擾Kerry啊?”
“做咩啊,你心痛啊?係啊,我係唔抵得佢同過你,我係要騷擾佢啊!我仲鬧佢賤人添,咁點啊”
“唔好咁細路女得唔得?咁樣可以解決到件事咩?咁樣可以令你開心D咩?佢已經開咗條件,願意俾翻D嘢我了,如你所願啦,你收手啦,好無?”
“鬧完佢我係覺得好開心喔,你唔係想我開心嘅咩,佢開咩條件俾翻D嘢你啊?講來聽下,等我感動下,睇下你又點爲佢付出.”
“我係爲你先咁做噶,唔係爲佢啊,佢想要雙倍價錢,賣翻D嘢俾我,我應承咗佢了.”
“你傻噶,個女人擺明爲咗錢啦,你仲應承佢?”
“只要你覺得開心嘅,少少錢有咩所謂,我都知佢係爲錢,所以咪快D叫佢消失咯.”
“你傻噶!嗰D嘢,我唔要了,當施捨乞丐啦,但我真係唔希望你再呃我.”
“我唔會,我保證唔會.你要去邊度啊,使唔使我車你啊?”
“唔使,啱啱辦咗張健身卡,人地送過來俾我咋嘛.”
“哦,咁你一陣翻來上網啦,我係屋企乖乖等你.”
好似件事就咁告咗一段落,Aly都翻咗來我身邊,我係嗰個bbs嘅交易版塊見到Kerry賣我送俾佢嘅手機,同佢嘅手機號碼.我捻,一切都結束了,希望未来日子可以平淡咁同Aly一起生活就够了.
捻起朋友講過嘅一段話 “男人天生就係一隻牛,佢係爲耕田而生.女人就係男人嘅田,但從來都係累死牛,邊見過耕爛嘅田呢?” 的確又好似係喔,能力好嘅牛咪可以耕多塊咯,能力差嘅都一定有自己嘅一塊田,只係你有無用心去耕.
日子依然係咁過,唔係話停咗係度,個鐘就會唔轉噶.我日日除咗翻工就係同Aly一起,佢已經無去翻工,因爲佢覺得嗰份好悶,想轉下環境.佢得閒會去健身,會去行街,會去仙蹤林坐下.只要我得閒,都會陪佢.佢健身,我就係附近仙蹤林等佢,佢行街,我就搵附近嘅書店打發時間,佢同姊妹係仙蹤林吹水,我咪係隔離檯睇書,打PSP咯.一切好似只有佢係身邊就够了.而且我都開始感覺到佢都愛我,佢有時行街,會帮我買埋底衫褲,會買埋襪.我每次都會好開心.
男人,其實有幾難氹啫?房事融洽,得閒買D小禮物,佢做完某件事俾D贊揚佢,其實佢已經好開心噶.但女人點解對住自己嘅男人,口中多數係數佢嘅缺點,總係攞D小事來取鬧呢?咁樣做,有意思咩?的確可以知道佢有幾緊張你,但亦會令佢慢慢唔再緊張你噶!
嗰晚佢沖完凉,係廳度敷面膜,我正係遊戲入面同隻boss血戰,在此我不得不鬧金山一句“PK啊,你個遊戲全部都係外掛,你不如直接賣級賣裝備啦!”好不幸,我又俾人搶咗我知boss,係我停低手,睇人地拾取戰利品嘅時候,發現Aly部電話係度震,佢好反感我查佢電話,查佢QQ,但佢又好中意查我電話,查我QQ喔,鬼叫我有過第個咩,鬼叫我愛佢多D咩,鬼叫我地愛情天平,我就係卑微嗰個咩.
但嗰晚,我又撞鬼咁攞起佢電話來睇,原來係一個叫教練嘅男人.而且佢地仲有好多聊天記錄,雖然無咩曖昧嘅言辭,但始終自己女朋友同第個男人發咁多信息,我都係唔開心噶啦.我睇完就放翻部電話係隔離.佢搞完個面膜就入房準備瞓覺,然後攞起部電話,睇完問我
“你搞過我電話啊?”
“係啊,咁我打緊boss,佢係度不停咁震,我咪按咗佢咯”
“係按咗佢,定查晒佢啊?”
“咁都睇咗下咁咯.”
“你唔知我最憎人地查我手機嘅咩?”
“咁你都成日查我啦.”
“係你錯過先噶,你有咩資格查翻我啊!”
“你公平D好唔好,你够同你D姊妹講,係同我玩玩下啦”
“哦,原來查埋我QQ添,當初係我講過,但後來我都帶你見我爸爸媽媽啦,如果係同你玩玩下,今日我就唔會再同你一起啦!”
“咁你就可以同第D男人發咁多信息噶啦,人地連鄉下有幾間屋,有幾個廁所都話埋俾你知了!”
“咁依家即係你唔信我啦,我唔可以有朋友嘅,你就可以出去亂搞女嘅”
“我邊有亂搞女人啊,我依家24個鐘,幾乎都俾你監管晒啦,點搞女人啊?”
“你敢講你無搞過,嗰個爲你錢嘅賤女人係咩啊?我監管你?既然你咁唔中意,我咪以後都唔理你咯.”
“唔好抄翻以前D嘢來講啦,好無?當我錯了,我唔應該睇你手機,對唔住!”
其實無論男女,都係一樣,當有愛嘅存在時,自私會掩蓋你嘅理智.甚至好多時候口不擇言咁去傷害對方,而且好中意搵D大家以往嘅過失去做爭吵嘅籌碼,咁做有意思咩?但似乎係當時,你唔會去捻到哩D道理.
愛情嘅天平係我同Aly之間已經嚴重咁失去平衡,傾向咗一方,我又道歉,又認錯,又扮鬼扮馬氹佢開心.件事先告一段落.
(頭先有朋友提出點解Aly知道我搞佢信息,我係哩度解釋下.當一條新信息你未睇,會顯示你有一條信息.但當你睇咗,就會無咗個提示,咁我睇完,當Aly睇嘅時候,佢自己未按過條新信息,佢當然知道我搞過佢手機啦)
我地嘅生活繼續,但我嘅地位好似越來越不堪.一班朋友去旅遊,我同朋友打緊麻將,跟住佢叫我,我話等一等,跟住我翻到入房,佢又發作了,因爲我地間房個熱水器壞咗,而我又遲咗一陣先入來,我話你可以打去總臺噶嘛,咁你搵我都無用噶,我都唔識整噶!佢竟然覺得我唔重視佢.有次,我打開電腦,發覺佢個郵箱無關,上面係一間公司回覆嘅應聘嘅信,竟然係兩個星期前嘅事,我話點解搵工咁大件事都唔同我商量下啊?佢話我有我自己嘅自由噶.我覺得真係好壓抑,當然哩度所講嘅只係其中一兩事.
嗰日,係我生日,我地無出去慶祝,而係屋企煮飯,佢陪咗我睇一齣舊戲《蘇州河》.睇完佢問我,如果有一日,佢唔見咗,我會唔會好似戲入面嘅馬達咁搵佢.
“我會學馬達咁搵你,哪怕馬達會停,但我唔會,我會一直搵到你爲止!”
所以話咩叫口臭呢…終於好快,我就要好似馬達咁搵佢了!
佢攞到駕駛證,我同佢出去唱K慶祝,後來去咗朋友度一起蒲,嗰晚大家都飲多少少酒.係翻去嘅途中,我地仲車住一個朋友.佢話佢想開車喔,我話你飲咗酒,不如我聽日俾你開啦,佢唔肯,於是我就停係路邊同佢換位置.跟住佢上咗車,我就提醒佢,扣安全帶啊.佢好似無聽我講嘢咁,放低個手刹就俾油上路,我可能飲咗D酒,但都係出於緊張佢.
“你扣翻個安全帶啦!又唔打燈就轉出去!”
“你癡線噶,咁大聲喝我!”
佢停低部車就開車門走咗出去,我當時真係好嬲,嬲到爆,睇佢上咗臺的士,先坐翻去駕駛位.朋友同我講“算啦,好小事啫.大家都飲咗酒,聽日就無事噶啦.”
如果佢真係可以當無事發生咁翻來,難道我可以當無事發生咩?一次又一次,次次都係咁,我真係要容忍佢一世咩?我送完朋友翻去,翻到自己屋企.我又飲咗好多酒,但屋企無咗佢,真係好恐怖,好似世界變得空蕩蕩咁.我打開電腦,上咗QQ,佢無上線.但我卻見到Rita.我好似有好多嘢要搵地方同人傾訴咁,我將自己同Aly嘅事,講晒俾Rita聽.Rita話,你醉了,瞓醒就無事噶啦,你真係咁愛佢,一定會有回報噶.我當時唔知點解會同Rita講咗句,如果你當初無呃過我幾好,如果你當初係處女,咁幾好.Rita話,你真係醉得好離譜,我瞓了,你都快D瞓啦.
第二日,一早佢就翻咗來,佢抱住我,話尋晚係佢錯,對唔住.哩次竟然係佢第一次嘅認低威.我當時點解會唔覺得感動,我當時點解會無動於衷.我都唔知,我只係冷冷咁同佢講,我要趕住翻工.然後就起身換咗件衫,出咗門口.
但當我中午俾電話佢嘅時候,竟然傳來咗"您撥打的用戶已暫停使用服務".我當時有股不祥嘅預感.我落班翻到屋企,發覺所有屬於佢嘅嘢都已經無晒,甚至連我地嘅照片都無晒.我見到電腦上佢俾我嘅留言
“你可以一直都唔覺得我愛你,唔覺得我對你好.但其實,我卻係最愛你嘅人.当愛去到深處,妒忌同委屈曾經令我蒙蔽過,但我好清楚,我係愛你噶.如果你尋晚關咗QQ咁幾好啊,我唔使睇到你同Rita嘅對話,如果我尋晚無發脾氣,咁幾好啊,我地唔會分手.但有D嘢,發生咗就係發生咗.你可以介意Rita係唔係處女,咁你一樣有介意過我啦,而且係你心中原來有咁多對我嘅不滿.我地真係會幸福嗎?好多謝你又傷害咗我一次,但哩次一定係最後一次,你唔使再搵我了,我都唔會俾你搵到我!”
我講過,我會好似馬達咁去搵佢噶,我一定要搵到佢!
我係打電話去佢屋企,無人聽.我係佢樓下等佢,等咗整整一晚,直到第二日9點,我到處打去搵佢嘅朋友,我去仙蹤林,去健身中心,我去公公屋企樓下.我真係好似一個馬達,一個不停咁去轉住搵佢嘅馬達.
佢開翻電話,佢話佢知道,我有好似馬達咁搵佢,但佢真係需要時間來好好考慮.嗰晚,我又去屋企搵佢,我見到佢房間著咗燈,但我點打電話佢都唔聽,我好似接近瘋狂嘅邊緣,我係樓下好大聲咁叫“XXX,你聽我電話,你出來啊,你點可以咁殘忍咁對我噶”後來驚動到110過來,警察勸我,唔好因爲自己嘅感情事,騷擾到其他人,咁樣做好唔理智.并且趕我離開.當我翻到屋企,先收到佢信息“你咁竭斯底裡,會令我覺得好害怕,你冷靜下啦好無,我聽日俾個答覆你.”我望住嗰條信息,我點會瞓得著,我一晚都聽住嗰首《傾城》,第二日,8點幾,佢就俾電話我了,可想而之,佢應該都無瞓好.
“如果我要你同我結婚,你肯唔肯?”
“點會唔肯,我一直都等緊同你結婚噶啦,只係想買咗層樓先.”
“層樓真係咁重要咩?我唔在乎嗰D,我只想問你,會唔會娶我”
“會!依家去注冊都得.”
“咁你過來接我影注冊相”
“好”
嗰日,我地兩個掛住兩隻熊貓眼,係佢屋企附近,影咗一張結婚注冊用嘅照片.要第二日先可以攞,我地約定聽日上午過來攞相,然後去注冊.
但後來發生嘅事,竟然會叫我自己都覺得不可理喻!
我覺得,嗰次,真係我人生嘅又一個轉折,并令我覺得人,竟然可以做出D咁反常嘅事,人性,多麼奇妙.事,係我做出來嘅,但我自己都唔知點解會咁做…..
我地各自翻咗屋企,如果嗰日佢同我一起翻我屋企,咁我嘅人生會唔會同今日唔同呢,如果我真係同佢結咗婚,今天的我,又會是怎樣呢?我一晚都無瞓,一切嘅一切,就好似電影咁係自己腦海中徘徊.曾經我愛過嘅人,愛過我嘅人,都一一出現.我就咁同佢結婚?
第二日,8點,我打電話翻公司請咗個長假,然後發咗段信息俾佢
“sorry,我地大家都需要再冷靜咁考慮,俾D時間彼此.”
我去到機場買咗張中午嘅機票,飞翻去我讀大學嘅城市!
你地唔好問我點解會咁做,我都唔知,但我好清楚咁樣做嘅結果係咩!佢突然間提出嘅結婚,我忽然間所做嘅逃婚.一切都好似發生得好快,一切都好似好唔合情理,但事實上的確係咁樣發生嘅.
我關咗電話,係哩個久違嘅城市,見翻D久違嘅朋友.我心中卻依然無揮去Aly嘅影子.好擔心佢,但我知道,時間係萬能嘅,佢會解決所有嘅問題.我係嗰個城市一住,就係13日.一个唔係好吉祥嘅數字.然後我翻咗來廣州.我無再打開嗰部電話,無再開翻嗰張卡,係嗰13日裡面,我捻得好清楚,我地係两條荊棘,互相纏繞落去,只會一起枯萎,我係愛佢,但我唔想大家都無一個好嘅下場,放手,係痛苦,但一起,難道就可以避免嗎?
我又搬咗一次屋企,但佢卻無係我心中搬走.
編者留言:
哩一章終於結束了.每一個人都會有一段轟烈痛苦嘅愛情,會令佢畢生難忘,Aly可能就係哩種掛.最愛?總會又有下一個最愛.所以哩一章嘅題目,對任何人來講,都只係一個諷刺,對我,更係一個諷刺.大家不妨一起來感受一下哩首《傾城》
熱情就算熄滅了
分手这一晚也重要
甜言蜜語謊話嬉笑
多給我一點不要缺少
話題盡了也不重要
吻我至氣冷的深宵
繁華鬧市燈光普照
然而共你已再沒破曉
紅眼睛幽幽的看著這孤城
如同苦笑擠出的高興
全城爲我花光狠勁
浮華盛世做分手布景
傳說中癡心的眼淚會傾城
霓虹熄了世界漸冷清
煙花會謝笙歌會停
顯得這故事尾聲更動聽
瓊樓玉宇倒了陣形
來營造這絕世的風景
第六章 完
|
