系广州人就入黎顶 - (Re: 广州人成熟D啦.)
0
我都好耐无发过贴啦,呢几日见BBS都系度讨论梗广州人既对与错,或者我开张水贴俾大家系度讨论下~
首先我自己讲下先:我系一个地地道道既广州人,自细系广州长大,我系人面前都会好自豪甘讲,广州系我家,因为,呢度的的确确系我地既家,有住我地童年既回忆,有住陪伴我地成长既人和事,童年时既玩伴,读书时既同学,做野既同事,仲有身边数唔清甘多既朋友,作为广州人,我会好自豪,除左对呢座城市特有既感情之外,仲有就系广州发展所带俾我地既繁华同便利,遍布系大街小巷既便利店同Super Market,上下九,北京路,状元坊呢D等等系全国出晒名既商业地,越开越多,越行越远,越黎越好既广州地铁,一切一切,都系我地广州人所值得自豪既事~但系,广州既高速发展,的确亦都有唔少城市问题,日益严峻既社会治安,越黎越塞既交通等等,呢D都系逐渐显示出黎既社会问题,作为广州人,我都觉得好无奈~首先,广州既繁华同发展,都离唔开日夜为广州付出辛勤劳动既外来工,所以,呢一部分人绝对系值得我地尊敬~因为佢为广州既发展留下左辛勤既汗水~但系,同样,亦都系某些不知廉耻既人,系我地呢个甘温暖既家度搅破坏,令到我地既家逐渐失去安全感,逐渐变得千仓百孔呢?唔通呢D系我地广州人既错?唔通呢D就系广州应得既?系边个,将广州城市街头贴满晒牛皮癣,系边个?将我地广州既市政设施破坏得体无完肤呢?等等等等,多不声数~对住自己生活得好地地既家遭到甘样既破坏,唔通广州人就唔应该愤怒?唔通要吞声忍气?广州人固有既宽容大度就系包容呢D破坏我地家园宁静同安全既人?讲唔过去噶~唔系我地狭隘,我地都系被迫噶,一个巴掌打唔响啊,各位~忍无可忍个时,唔通我地仲要选择沉默?大家都有眼睇广州依家真实既社会治安系点~如果个个都安分守己既话,我地广州人会作出一D甘狭隘既事咩?我地都系自我保护咋~保护我地呢个可爱 温暖既家园咋~我地唔想我地既家再受到任何破坏啦~你地明唔明啊?讲真,我都觉得广州人系时候团结起身啦~广州人,广州精神啊~我地唔可以俾人地睇死噶~一定要振作起身啊~一定要保护我地呢个甘温暖既家啊~广州~我既家~My Home!My sweet home~
|
